Klima, flora eta fauna

Uztarroze bi klimaren eraginpean dago, submediterraneoa eta atlantikoa. Urteko batez besteko tenperatura aldakorra izaten da, tokiaren arabera; hirigunean 8 gradukoa izaten den bitartean, mendietan 4 gradukoa edo baxuagoa izan daiteke. Prezipitazioak 1.000 eta 1.800 mm artekoak izaten dira eta urtean 100 eta 150 egunetan egiten du euria; elurra ere ohikoa izaten da urritik apirilera.

Baso-espezie ugariena ler gorria da, mugartearen % 37 hartzen duena. Pagadia mendiko eremu lauetan eta Goienburu eta Laza mendilerroetan dago batez ere.